فوائد وأضرار اللحوم الحمراء .عيد أضحى مبارك

الفيديو

كل سنه وانتم طيبين

 عايزين نعرف مع بعض فوائد اللحمه واضرارها طبعا عيد الاضحى 2019 عيد اللحمه ،لازم نعرف الاول ايه هى الاضرار والفوائد بتاعت اللحوم الحمراء بالعموم وبعد كده نعرف كمان فوائد واضرار لحم الخروف او اللحم الضأن الاكثر انتشارا في عيد الضحيه.

مع بعض كل انواع اللحوم واهمها

طبعا اللحمه الحمرا هي اكبر جدل في تاريخ التغذيه لان ناس كثير تعتقد انها ممكن تسبب اضرار ولكن المستهلك النهارده بيختلف عن زمان بكثير من اللي كان البشر بياكلوا ، والحيوانات كانت بتاكل العشب والحشرات وغيرها من الاطعمه الطبيعيه و لكن دلوقت بتتربى في مزارع ومصانع وتتغذى على اعلاف و مضادات حيويه وهرمونات تعزيز نمو.

تعال نذكر بعض بفوائدها الاول، عشان خاطر نفتح نفسكم وبعد كده نتكلم عن اضرارها، 

ربنا يعافينا واياكم ويحفظنا منها واياكم.

فوائد كثير طبعا هي مصدر غني بالفيتامينات والمعادن الزنك و السلينوم والحديد وفيتامينات b12 و b6 و b12 و دي كلها حاجات ضروري لنمو مهمه جدا لوظائف الجسم و تكوين الدم ومهم لتحسين وظائف الدماغ والجهاز العصبي.

وطبعا مصدر غني بالمركبات الحيويه المفيده للصحه مثل الكرياتين و حمض التورين اللي هو هتلاقيه كثير في مشروبات الطاقه والجلوتاثيون ودي حاجات مهمه لنمو العضلات كمان فيها مضادات للاكسده مهمه لوظائف القلب وطبعا حفظ الكتله العضليه والمساعده على تحسين الاداء اثناء ممارسه التمارين وغير انها بتساعد على الوقايه من فقر الدم عشان فيها حديد كثير.

وعلى الرغم من فوائدها الكثيره الا ان تناولها بكميات عاليه يمكن ان يسبب ضرر وكمان تناول انواع معينه فيها ممكن ايضا ان يسبب ضرر تعالوا نعرف مع بعض انواع اللحوم هي ايه:- 

اول حاجه في اللحوم هو اللحم المعالج وده اللي بتعمل عمليات معالجه زي اللحوم البارده السجق السلامي اللانشون وطبعا ده بيتعرض لعمليات زي تمليح وتخمير وتدخين وغيره، وده طبعا عشان تحسين المذاق والحفاظ عليها و للاسف الحاجات دي حسب اخر تقرير لمنظمه الصحه العالميه ممكن يتسبب في خطر الاصابه بسرطان القولون والمستقيم والبنكرياس والبروستاتا عافانا الله واياكم.

النوع الثاني هو اللحوم الحمراء التقليديه ودي بتتربى في مزارع ومصانع وللاسف بتتعرض للحقن بهرمونات و بتاخد ادويه و بتاخد هرمونات تعزيز نمو، ودي حاجات بتأثر على الانزيمات او الفيتامينات والانسجه بتاعه اللحمه، وده بيبقى طبعا لأغراض ماديه لأنهم مش بيسيبوا الحيوان بيور على الخلقه اللي خلقها له ربنا .

النوع الثالث هو اللحوم العضويه المتغذيه على اعشاب طبعا الحمد لله تم تغذيتها ومعالجتها بشكل طبيعي و متعرضتش الادويه ولا هرموناات ولا مواد كيماويه وتغذت دائما على اعشاب ودي طبعا بتبقى منها لحوم الخرفان او اللحم الضاني... 

وكمان القيمه الغذائيه للحم الخروف اولا هو الاكثر استهلاكا على مستوى العالم لما له منك هو مذاق شهي سواء مطبوخ او مشوي ولما له من فيتامينات واحماض الاوميجا 3 والحديد خصوصا في كبد الخروف مواصفات الخروف او اللحم الجيد للخروف ان يكون لون اللحم احمر وردي او احمر غامق حسب عمره ونسيجه صلب متماسك اذا ضغطت عليه لا يترك اثر لون الدهن اصفر ويخلو من البقع الزرقاء.

فوائد لحمه الضأن يقوي الجهاز المناعي، ويحارب مظاهر الشيخوخه ويقي من الانيميا ويساعد على النمو ويحسن تدفق الدم وايصال الاكسجين الى خلايا الجسم ويكون خلايا الدم الحمراء والبيضاء و يزيد من نسبه الهيموجلوبين في الدم و يحمي من الاصابه بمرض الزهايمر ويعزز التمثيل الغذائي و يساعد في سرعه التئام الجروح ويحسن ايضا من اداء الانزيمات ويحسن من حاسه الشم والتذوق يساعد في الحد من كسور العظام وخصوصا لكبار السن من الرجال ويعالج الالتهابات يعالج و يعزز من اداء الغده الدرقيه وينشط الكبد و يخفض نسبه المواد الضاره للجسم.

اضراره هي ارتفاع سعرات الحراريه وارتفاع نسبه الكوليسترول به بالاضافه الى ان اكل اللحوم لمده ثلاث ايام العيد قد نواجه به مشاكل هضميه والام في الامعاء.

نصيحه اخيره ان لا نكثر من اكل اللحوم الحمراء ويستحسن تكون اللحوم مشويه او مسلوقه، والاكثار من اكل الخضروات والسلطات بجانب الطبق الرئيسي ( اللحمه ).

 وكل عام وانتم بخير والامه الاسلاميه ومصر والمجتمع العربي الاسلامي بكل خير.

انتظركم فى قناتكم Healthy Life

للاشتراك فى القناة: 

https://tinyurl.com/y2wkve6g
ولمتابعة جديدنا فعل زر التنبيهات "الجرس"

نتمنى لكم ولاسركم دوام وتمام الصحة والعافية.