الفريزر وأهميته فى الحفاظ على الاكل. وأيه اللى بيتخزن فى الفريزر
وطريقة تخزينه الصح وكمان فك اللحوم والدواجن بطريقة سليمة وتسييح الثلج من غير ما تأثر على الفريزر ونصائح للثلاجة والتخزين الجيد بها وأهمية التبريد للاكل ومعلومات ثانية أكثرررر بكثيرررر.......
خليك معانا في Healthy Life أكيد حتعرف أكثر...
أهمية الفريزر :-
ضرورى عشان نحافظ على الطعام اطول فترة من حيث (القيمة الغذائية - الفيتامينات - النكهة - الملمس - اللون)، والتجميد عامة بيخلى البكتريا فى حالة خمول حتى لو الأكل تالف وحطتيه فى الفريزر حتوقفى نشاط ونمو البكتريا اللى فيها لكن بمجرد ما حتخرجيه وتبتدى درجة حرارته تعلى ويبتدى يفك حيرجع يتكاثر وكمان يتضاعف كل ٢٠ دقيقة.
عشان يشتغل صح لازم نضبط درجة الفريزر تكون على صفر عن طريق ترمومتر الفريزر⏲ والفريزر الكبير فى الأوتيل أو منافذ البيع الكبيرة بيكون درجة الحرارة المثالية للدرجة الأمنة فيه هى من (-١٨ حتى -١٢) .
ركزوا فى اللى جاى ......
- ياريت مانملاش الفريزر على اخره ونخزن فيه بس الأكل اللى حنحتاجه لفترة مش كبيرة عشان نسمح لتوزيع الهوا داخل الفريزر بطريقة كويسة .
- حطى اللحمة والدواجن والخضار وأى حاجة حتخزنيها فى (أكياس حفظ الطعام) مطابقة للمواصفات قبل ما تحطيها فى الفريزر .
- الكياس دى مهمة عشان نحافظ على الاكل مغلف وميتعرضش لبكتريا وكمان عشان المواد المجمدة زى اللحوم والدواجن ما تتتعرضش لحروق التجميد .
- إلزقى على الكيس ملصقات (إستيكرز )وإكتبى عليه التاريخ اللى انتى خزنتيه فيه عشان تقدرى تعرفى التاريخ لأنه مهم جدا و ده لأنك مع الوقت حتنسى فالإستيكر حيفكرك.🙂
- أكيد بنرمى الاكياس المستخدمة للتجميد بعد مابنفك اللحوم والدواجن لأن الكيس ده بيكون عليه اثار من سوائل اللحوم والدواجن زى الدم وخلافه وده بتكون محملة بالبكتريا وممكن يتنقل بسهولة لو أعدنا إستخدام الكياس مرة تانية😱
طب ايه اللى يمكن تجميده فى الفريزر:-
ممكن نجمد كل حاجة فى الفريزر ما عدا الاكل المعلب والبيض آلا إذا كان بياض البيض أو بدائل البيض ، تعالوا نعرف ممكن نجمد ايه فى الفريزر حاجات كتيرررر ممكن توفر عليكى وقت ومجهود...
الشوربة:- ممكن تخزنيها لمدة شهر .
الجبن :-لا يمكن تخزين الجبن الكريمى أو المطبوخة ولكن يمكن تخزين الجبن الصلبة فقط زى الجبنة الشيدر والصفراء والرومى وطريقة تخزينها الصح إنك تقطعيها على أجزاء حسب إستخدامك انتى وعيلتك للمرة الواحدة وعلى قد ما حتاخدى منها وبعدين حطيها منفصلة فى (أكياس حفظ الطعام ) وفرغى الهوا من الكيس كويس وأقفليه أو أربطيه وحطيه فى الفريزر.
الفراخ المطبوخة :- بردوا قطعيها قطع صغيرة وحطيها فى (أكياس حفظ الطعام ) وفرغى الهوا من الكيس كويس وأقفليه أو أربطيه وحطيه فى الفريزر.
الأرز المطبوخ:- يمكن تخزينه فى الفريزر لمدة ٤ شهور ، بس وانتى بتسويه إطفى النار قبل ما يخلص تسويته ب ٥ دقايق ، سيبيه يبرد من غير ما تغطيه
وعند الحاجة له نزليه من الفريزر وسيبيه يهدى حبة وبعد كدة كملى تسويته فى الميكروويف أو فى الفرن لمدة ٣ دقايق .
الخضروات :- بنطبخها فى الفرن نص سوا وبعد كدة نبردها بسرعة فى (حمام مياه ) وإحنا حطينها فى علبة محكمة الغلق وبعد كدة نحطها فى الفريزر فى (أكياس حفظ الطعام ) وفرغى الهوا من الكيس كويس وأقفليه أو أربطيه وحطيه فى الفريزر
و عند الحاجة له خرجيه من الفريزر سيبيه يهدى وبعد كدة كملى سواه عادى على نار عاليه.
العيش (الخبز) :- يستحسن تخزينه فى الفريزر بأكياس ورق لأن البلاستيك في أنواع بتلزق ع العيش وعموما الكياس البلاستيك وخصوصا النوعيات الرديئة تؤثر تأثير مباشر فى عدم سلامة وصحة الطعام، وعند تفكيك الخبز من التفريز نسيبه يهدى حبة لغاية ما الثلج يدوب وبعد كدة نسخنه فى الفرن ومش على عين البوتاجاز( اللهب المباشر ) عشان ما يتحرقش ويتلسوع ويكون أكله غير صحى وفى العموم أى أكل محروق زى الفراخ المشوية والكباب والكفتة أوعى تاكلى الأجزاء المحروقة فيها عشان بتسبب أمراض خطيرة عفانا الله وإياكم.
⬅️ تابع المدونة عشان تعرف أكثر عن الفريزر وأيه اللى بيتخزن فيه حاجات كتيرررر وكمان تسييح الثلج والتفكيك السليم للحوم والدواجن
والثلاجة ونظافتها ومعلومات كثير مهمة 😉
إضغط المدونة :- https://tinyurl.com/y23b6ccb
للاشتراك فى القناة على اليوتيوب:
https://tinyurl.com/y2wkve6g
ولمتابعة جديدنا فعل زر التنبيهات "الجرس"
نتمنى لكم ولاسركم دوام وتمام الصحة والعافية.
ليست هناك تعليقات: